Saluton,

1) eble vi jam aŭdis el aliaj informkanaloj, ke s-ro Amir JAVADI (el Aŭstrio resp. Irano) antaŭ 2 semajnoj aĉetis en Herzberg am Harz - la Esperanto-urbo la "Hotelon Ora Cervo". Ŝajnas, ke nun komenciĝas riparperiodo de la domego. Li diris, ke antaŭe li posedis la "Esperanto-paradizon" ĉe Vieno (Aŭstrio). Certe vi ankoraŭ aŭdos de li.

2) Jam antaŭ ĉ. 3 jaroj venis esperantlingvaj naturkuracisto kaj Ginseng-konsilistino al nia bela urbo.

3) Ni aŭdis, ke ĉ. 3 pluaj Esperanto-entreprenistoj planas fondi firmaetojn kaj komenci ion novan en Herzberg - la Esperanto-urbo.

4) Eble ankaŭ aliaj ekŝatos la ideon kaj trovos la kondiĉojn, ofertojn de la Esperanto-urbo bonaj kaj allogaj por translokiĝo kaj vere kunkonstruos, ekz. por Germana Esperanto-Centro resp. Interkultura Centro Herzberg rilate al Esperanto-organizado, instruado, klerigado, informado, administrado, E-biblioteko, ktp.?

Se vi havas demandojn, bv. kontakti nin senpere.

Anticipe ni dankas.

Amike kaj samideane salutas via ICH-teamo

http://esperanto-urbo.de (multlingva)